Os partidos entre os equipos das Escolas Deportivas do Club Baloncesto Seis do Nadal - Coia, os concursos de tiro para os xogadores e xogadoras, e o gran ambiente de convivencia que se viviu na tarde do domingo 6 de abril do 2008 nas instalacións do Colexio Seis do Nadal, fixeron a ledicia de tódolos participantes e asistentes á concentración.
A partir das 16:00 horas da tarde do domingo, as portas do Seis do Nadal se abrían para recibir aos participantes da 2ª Concentración de Escolas Deportivas que o Club Baloncesto Seis do Nadal - Coia organiza nesta tempada.
Nesta nova concentración ademais dos xogadores e xogadoras das Escolas dirixidas polo Club Baloncesto Seis do Nadal - Coia (Colexio Seis do Nadal, Colexio Doutor Fléming, Colexio Celso Emilio Ferreiro, Colexio Chouzo, Colexio Rodríguez Castelao, E.D.M. Balaídos e E.D.M. Berbés) tamén participarán nesta xornada os equipos do Colexio Amor de Dios que tralo primeiro encontro do mes de xaneiro, tiveron gañas de repetir experiencia.
Esta segunda concentración volveu a repetir o éxito do primeiro encontro de Escolas Deportivas, un gran éxito que se conseguiu gracias a resposta de tódolos rapaces e rapazas e das súas respectivas familias que fan que a nosa entidade poida organizar eventos coma este nos que desde os máis pequenos ata os máis maiores disfrutan co deporte da canastra.