O próximo venres 25 de xaneiro do 2008 comeza a VI edición da Liga Interna de Colexios "LINCO - LINORSA 2008" organizada polo Club Baloncesto Seis do Nadal - Coia. Nesta primeira xornada terá lugar a presentación dos equipos a partir das 16:00 horas nos Baixos do Estadio Municipal de Balaídos.
Os equipos participantes nesta VI Liga Interna de Colexios son o Colexio Seis do Nadal, o Colexio Doutor Fléming, o Colexio Celso Emilio Ferreiro, o Colexio Chouzo, o Colexio Rodríguez Castelao, E.D.M. Balaídos e E.D.M. Berbés.
Os partidos da LINCO - LINORSA 2008 terán lugar tódolos venres de Xaneiro a Maio entre as 16:00 e as 18:00 horas nos Baixos do Estadio Municipal de Balaídos.
Este ano, no que se celebran "25 Anos de Historia" do Club Baloncesto Seis do Nadal, alcanzáronse números históricos na participación na LINCO 2008; deste xeito nesta edición da Liga Interna de Colexios organizada pola nosa entidade participarán máis de 17 equipos e máis de 150 xogadores.