Sergio González, Director Deportivo e adestrador do Club Baloncesto Seis do Nadal - Coia, será o adestrador da Selección Zonal Prealevín Masculina nesta tempada 2007-08. Desta forma, Sergio formará parte un ano máis (quinto ano consecutivo) do staff técnico de adestradores/as da Delegación Viguesa de Baloncesto.
A Selección Viguesa de Sergio González estará formada por xogadores de categoría Prealevín (Alevín de primeiro ano) e de categoría Benxamín.
Desde tódolos estamentos do Club Baloncesto Seis do Nadal - Coia dámoslle a noraboa e felicitamos a Sergio González que un ano máis segue estando presente como adestrador nas Seleccións Zonais da Federación Viguesa de Baloncesto.