Esta nova temporada, Sergio González, Coordinador Deportivo de Equipos Federados do Club Baloncesto Seis do Nadal - Coia, ademais de ser o adestrador axudante do Cadete Masculino "A" e o adestrador principal do Xuvenil Masculino "B", será o encargado de dirixir ao equipo Alevín Masculino "B".
.
Sergio González comezou a súa andanza como adestrador de baloncesto no noso club na temporada 2003-04. Pouco a pouco foise formando e crecendo como educador e adestrador. E segue crecendo ata o día de hoxe onde ademais de adestrador, o Club conta con Sergio como Coordinador Deportivo de Equipos Federados.
.
O Alevín Masculino "B", equipo formado na súa totalidade por xogadores de primeiro ano nacidos no ano 1997, quedou clasificado no terceiro posto da Liga Zonal Benxamín Mixta a pasada temporada 2006-07. Agora comezan unha nova etapa e estrean a categoría alevín nas mans de Sergio o próximo martes 18 de setembro ás 17:30 no Colexio Seis do Nadal.
.
TRAXECTORIA NO CLUB:
- Desde a temporada 2003-2004 ata a actualidade.
- TEMPORADA 2006-07: Benxamín Masculino "A", Alevín Masculino "A" e Cadete Masculino "A".
- TEMPORADA 2005-06: Alevín Masculino "B" e Cadete Masculino "B".