O pasado sábado día 17 de decembro do 2022 durante o descanso do partido Sénior Feminino de Primeira Nacional na pista do pavillón de Balaídos o Club Baloncesto Seis do Nadal - Coia deu a coñecer a postal gañadora do 16º Concurso de Postais de Nadal.
As xogadoras do Vasco Shipping Seis do Nadal, ao remate do seu partido, felicitaron a Iago Vázquez, xogador do equipo federado Alevín Masculino "B" do club e autor da postal gañadora, e a tódolos autores das postais finalistas.
Tódolos finalistas do Concurso de Postais de Nadal recibiron os seus premios cortersía de PapelYa! durante o descanso do partido. Parabéns ao gañador e aos finalistas e moitas grazas aos preto de 120 xogadores e xogadoras do Club Baloncesto Seis do Nadal - Coia que enviaron a súa postal nesta nova edición.