.(Este curso 2018/19 PapelYa! colabora co Concurso de Postais de Nadal)
.
O club Club Baloncesto Seis do Nadal - Coia co obxectivo de achegar o Nadal a tódolos nosos deportistas e, en especial, aos nosos xogadores/as máis pequenos, e despois da gran aceptación e o éxito das tempadas pasadas, organizará nesta campaña 2018/2019 o 12º Concurso de Postais de Nadal no que poderán participar tódolos nosos xogadores e xogadoras de categoría minibásquet.
.
As bases deste 12º Concurso de Postais de Nadal do Club Baloncesto Seis do Nadal - Coia que se volve a convocar por duodécimo ano consecutivo son:
.
- Participantes: tódolos xogadores e xogadoras de categoría minibásquet dos equipos federados e das escolas deportivas (categorías prebenxamín, benxamín e alevín).
.
- Deseño e tamaño da postal: poderá estar realizada a man ou mesmo a través do ordenador, en branco e negro ou a cor. O tamaño da postal deberá ser de medio folio e non se poderá empregar purpurina nin algodón.
.
- Motivos da postal: a postal deberá ter ao Nadal e máis ao baloncesto como motivos principais.
.
- Data límite de entrega: venres día 7 de decembro do 2018.
.
- Forma de entrega: as postais deberán ser entregadas aos adestradores/as ou monitores correspondentes antes da data límite, ou enviadas coa maior calidade posible ao mail do club: areadeportiva@seisdonadalcoia.com. Como novidade neste curso, tamén se poderán entregar na tenda de PapelYa! (rúa López Mora 43) onde recibirán un regalo pola súa participación no concurso.
.
- Premio do concurso: a postal gañadora do concurso será a postal de Nadal coa que a entidade felicitará as festas esta tempada a tódolos seus deportistas, adestradores, familiares, amigos, colaboradores, patrocinadores, etc. Ademais o autor da postal gañadora do concurso recibirá un pack de regalos cedido por PapelYa!, empresa colaboradora do concurso.
.
A comunicación da postal gañadora farase público o luns día 12 de decembro do 2018 a través da páxina web do Club Baloncesto Seis do Nadal - Coia e das redes sociais.