..
E por fin chegou o momento. O Club Baloncesto Seis do Nadal - Coia xogará o seu primeiro partido oficial na Liga EBA da súa historia. Será o próximo domingo día 9 de outubro do 2016 ás 19:15 horas no pavillón de Navia ante o equipo de Gijón Básket.
..
Unha nova páxina que o Club Baloncesto Seis do Nadal Coia escribirá na súa historia. Despois de máis de dous meses de preparación e de tres partidos amigables, o Sénior Masculino de Liga EBA iniciará a competición oficial esta fin de semana no pavillón de Navia.
..
Desde tódolos estamentos da entidade convidamos a toda a familia que forma parte do Club Baloncesto Seis do Nadal Coia a asistir a este primeiro partido da Liga EBA e a apoiar ao noso combinado neste novo camiño. Agardámosvos a todos e a todas (xogadores e xogadoras, adestradores e adestradoras, familiares e amigos) o próximo domingo día 9 ás 19:15 horas no polideportivo de Navia.
..
XOGA CON NÓS NA LIGA EBA!