.
.
.
.
.(Postais finalistas do 7º Concuros de Postais de Nadal)
.
Esta tempada 13/14 o Club Baloncesto Seis do Nadal Coia organizou por sétimo ano consecutivo a Sétima Edición do Concurso de Postais de Nadal dirixido a tódolos xogadores e xogadoras de minibásquet dos equipos federados e de todas as escolas deportivas.
.
A postal gañadora do concurso será a Postal de Nadal coa que o Club Baloncesto Seis do Nadal - Coia felicitará as festas esta tempada 2013/2014 a tódolos seus deportistas, técnicos, familiares, amigos, colaboradores, patrocinadores, etc.
.
O concurso tivo, novamente, unha gran acollida e resposta por parte dos xogadores e xogadoras das categorías benxamín e alevín, realizando e debuxando preto de 100 postais de Nadal cunha gran calidade e orixinalidade.
.
Despois de seleccionar as seis postais finalistas, publicadas nesta mesma noticia, entre as preto de 100 postais que foron recibidas; o xurado, composto por adestradores dos conxuntos federados e das escolas deportivas do club, decidiu a postal gañadora do 7º Concurso de Postais de Nadal que será publicada o próximo luns día 9 de decembro do 2013.
.
Xa se pode acceder ás preto de 100 postais recibidas deste Sétimo Concurso de Postais de Nadal 2013 organizado por sétima tempada consecutiva pola entidade Club Baloncesto Seis do Nadal - Coia na nosa Galería de Fotos.