jueves, 1 de agosto de 2013

FRANCISCO GARCÍA ADESTRARÁ AO JÚNIOR MASCULINO "A" E AO JÚNIOR FEMININO "B" A PRÓXIMA TEMPADA

.

Os conxuntos Júnior Masculino "A" e Júnior Feminino "B" do Club Baloncesto Seis do Nadal - Coia da próxima tempada 2013/2014 serán adestrados por Francisco J. García quen cumprirá a súa décimo terceira tempada como membro do corpo técnico da entidade desde os seus comezos como adestrador na campaña 2001/2002.

.

Francisco García, técnico axudante do Sénior Masculino de Primeira División, adestrará e dirixirá ao Júnior Masculino "A", equipo formado por xogadores nadas nos anos 1996 e 1997, e ao Júnior Feminino "B", combinado que estará composto por xogadoras nadas nos anos 1996 e 1997.

.

O Júnior Masculino "A" participará na Fase Clasificatoria á Primeira División Júnior Masculina 2013/2014 que comezará a fin de semana do 1 de setenbro do 2013, mentres que o equipo Júnior Feminino "B" participará na Liga 2ª División Júnior Feminina que iniciará a súa competición a fin de semana do 6 de outurbo do 2013.

..

Inicio adestramentos de pretempada

.

O equipo Júnior Masculino "A" comezará os adestramentos de pretempada o luns día 5 de agosto ás 20:30 horas no Colexio Seis do Nadal.