(Lucía González convocada coa preselección galega de minibásquet)
.
O pasado domingo día 3 de febreiro do 2013 reuníronse en Santiago de Compostela os corpos técnicos e os xogadores e xogadoras que foron convocados coas dúas Preseleccións Galegas de Minibásquet.
.
O pavillón do Colexio Compañía de María acolleu o traballo de ambas as preseleccións, compostas por 16 xogadores e 16 xogadoras procedentes de diferentes clubs da comunidade galega. Entre as xogadoras convocadas estivo presente Lucía González, xogadora do equipo Alevín Feminino "A" do Club Baloncesto Seis do Nadal - Coia, adestrada e dirixida por Alicia Álvarez.
.
Os 32 convocados están a acometer o tramo final dunha preparación que culminará, en datas futuras, coa designación dos grupos definitivos que representarán a Galicia no próximo Campionato de España de categoría minibásquet.