(Equipo Sénior Feminino do Seis do Nadal - Coia da Liga 2ª División)
..
SEIS DO NADAL - COIA (Vigo)
..
SALESIANOS (Vigo)
O combinado Sénior Feminino, Seis do Nadal - Coia, do Club Baloncesto Seis do Nadal - Coia, adestrado e dirixido por Francisco Javier García, xogará a Fase de Ascenso á Liga 1ª División Autonómica Feminina que comezará esta fin de semana.
.
O conxunto do Seis do Nadal - Coia rematou a primeira fase da Liga 2ª División Sénior Feminina 2011/2012 na terceira posición do Grupo Sur cun balance de doce vitorias e seis derrotas, seguindo aos equipos de Peleteiro e Salesianos:
..
A terceira posición na liga regular clasificou ao combinado Sénior Feminino para a disputa da Fase de Ascenso á Liga 1ª División Autonómica Feminina xunto ao Colexio Salesianos (Vigo), segundo clasificado do Grupo Sur, e Maristas Cubicaje (A Coruña), terceiro clasificado do Grupo Norte.
..
(Tódolas xogadoras do equipo nun tempo morto xunto ao adestrador)
..
O Seis do Nadal - Coia disputará o primeiro partido da Fase Final o próximo domingo 29 de abril do 2012 ás 19:00 horas na pista do Colexio Seis do Nadal ante o equipo vigués de Salesianos, primeiro dos dous encontros que xogará o noso combinado como equipo locatario.
...
O primeiro clasificado da Fase Final ascenderá á Liga 1ª División Autonómica Feminina da próxima tempada 2012/2013 xunto aos equipos clasificados en primeiro lugar de cada un dos grupos, Baloncesto Cambre (A Coruña) no grupo Norte e Peleteiro (Santiago de Compostela) no grupo Sur.
...
O Club Baloncesto Seis do Nadal - Coia fai un chamamento a toda a "familia seisnadalista" para apoiar ao Sénior Feminino neste primeiro partido da Fase Final que se disputará na pista do Colexio Seis do Nadal.
..
Agardámosvos a xogadores/as, técnicos/as, pais, nais, familiares e amigos/as, o próximo domingo día 29 de abril ás 19:00 horas en Coia.