lunes, 10 de diciembre de 2018

XA SE COÑECEN AS CATRO POSTAIS FINALISTAS DO 12º CONCURSO DE POSTAIS DE NADAL DESTA TEMPADA

.

..

..

.(Postais finalistas do 12º Concurso de Postais de Nadal)

.

Esta tempada 18/19 o Club Baloncesto Seis do Nadal Coia organizou por duodécimo ano consecutivo a 12ª Edición do Concurso de Postais de Nadal dirixido a tódolos xogadores e xogadoras de minibásquet dos equipos federados e de todas as escolas deportivas.

.

A postal gañadora do concurso será a Postal de Nadal coa que o Club Baloncesto Seis do Nadal - Coia felicitará as festas nesta tempada a tódolos seus deportistas, técnicos, familiares, amigos, colaboradores, patrocinadores, etc.

.

O concurso tivo, novamente, unha gran acollida e resposta por parte dos xogadores e xogadoras das categorías benxamín e alevín, realizando e debuxando un total de 105 postais de Nadal cunha gran calidade e orixinalidade.

.

Despois de seleccionar as catro postais finalistas, publicadas nesta mesma noticia, entre as máis de 100 postais que foron recibidas nesta nova edición; o xurado, formado pola Dirección Deportiva do noso club, membros da Xunta Directiva e Nuria Tombo, responsable de PapelYa!, decidiu a postal gañadora do 12º Concurso de Postais de Nadal que se fará público o próximo domingo 16 de decembro durante a Presentación Oficial da entidade.