(De esquerda a dereita: Pablo Alonso, Coordindaor do club; Concepción Martíns, Presidenta da entidade; Rubén Domínguez, Director de Forbe; Sergio González, Director Deportivo do club; e Ramón Román, directivo da entidade)
.
Forbe, empresa galega especializada no sector da formación aberta, únese á familia do Club Baloncesto Seis do Nadal Coia para a presente tempada 2018/2019.
.
Membros da Xunta Directiva e da Dirección Deportiva do Club Baloncesto Seis do Nadal - Coia, visitaron as instalacións de Forbe na cidade de Vigo para pechar xunto ao Director da empresa, Rubén Domínguez, o acordo de colaboración.
.
Un dos puntos deste acordo da colaboración é que o equipo Sénior Feminino "A" do club, que compite actualmente na Liga Primeira Autonómica Feminina, levará o nome de Forbe Seis do Nadal para o que resta de tempada.
Rubén Domínguez, Director de Forbe, destacou durante o acto de presentación que "o apoio ao club vigués enmárcase dentro da celeberación do noso xa décimo aniversario. Os obxectivos son reforzar o noso compromiso co deporte de formación, máis concretamente co deporte feminino, e este club cumpre con tódolos valores que defendemos en Forbe: constancia, esforzo e superación."
.
Desde o Club Baloncesto Seis do Nadal - Coia, agradecemos toda a confianza e todo o apoio depositado por parte desta empresa no noso proxecto, e estamos satisfeitos da relación establecida entre ambas partes para esta campaña. Moitas grazas pola súa colaboración!