"VIGO MÓVESE POLA IGUALDADE", CARREIRA POPULAR POLA IGUALDADE O DOMINGO 11 DE MARZO

.

"Vigo móvese pola igualdade", será unha cita que buscará usar a forza do deporte para crear unha movilización na cidade viguesa coa finalidade de que as mulleres teñas as mesmas oportunidades e os mesmos dereitos que os homes.

 

A carreira terá lugar o próximo domingo día 11 de marzo do 2018, tres días despois do Día Internacional da Muller. O encontro será ás 11:30 horas na Porta do Sol. Aínda que a proba é unha carreira popular, a súa intención é crear unha multitudinaria marcha na que cada un dos participantes pode completar o recorrido correndo, camiñando ou bailando.

 

Os interesados e interesadas en participar nesta gran marcha que se organizará na cidade de Vigo pola igualdade poden facelo a través da páxina web de Championchipnorte antes do xoves día 8 de marzo. Ao ser unha proba de carácter non competitivo, a inscrición será gratuita.

 

Desde a Xunta Directiva e a Dirección Deportiva do Club Baloncesto Seis do Nadal - Coia animamos a tódolos nosos xogadores e xogadoras, membros do corpo técnico, familiares e amigos, a participar nesta carreira pola igualdade o próximo domingo día 11 de marzo do 2018. Apúntate!