(De esquerda a dereita: Ramón Román, Directivo do club; Lucía Gefaell, Directora de Márketing de Biscuits Galicia; e Sergio González, Director Deportivo do Seis do Nadal)
.
Biscuits Galicia, empresa colaboradora do Club Baloncesto Seis do Nadal - Coia, máis concretamente das Ligas LINCO, Ligas Internas de Colexios, amosará e reforzará o seu apoio na xornada de clausura do presente curso 2016/2017 que terá lugar o venres día 26 de maio do 2017 a partir das 16:20 horas no pavillón de Navia.
.
Como é habitual en cada xornada das Ligas LINCO, tódolos xogadores e xogadoras das Escolas Deportivas de baloncesto recibirán de merenda as galletas de Bisctuis Galicia. Pero ademais, por tratarse da xornada de despedida do presente curso, cada rapaz e rapaza recibirá un vale, por cortesía de Biscuits Galicia, que poderán cambiar por un doce agasallo en "La Galletería" (Rúa Doutor Cadaval 4 na Porta do Sol).
-.
Desde tódalas seccións do Club Baloncesto Seis do Nadal Coia queremos agradecer a aposta de Biscuits Galicia pola nosa entidade e por todo a apoio amosado coas Ligas LINCO tempada tras tempada.