(Mesay Gómez cos seus premios xunto a Abel Caballero, Alcalde do Concello de Vigo, e Concepción Martins, Presidenta do C.Bc. Seis do Nadal)
.
Esta tempada 2016/2017 o Club Baloncesto Seis do Nadal Coia organizou por décimo ano consecutivo o 10º Concurso de Postais de Nadal dirixido aos xogadores e xogadoras de minibásquet dos equipos federados e de escolas deportivas.
.
A postal gañadora do 10º Concurso de Postais de Nadal, elixida por un xurado formado por un grupo de adestradores/as e deportistas de categoría infantil e cadete de entre preto de 150 postais que participaron nesta nova edición do concurso, foi a postal presentada por Mesay Gómez, xogadora do grupo Alevín Feminino dirixido por Sandra Solano e Laura Abraira.
.
(Postal realizada por Mesay Gómez, gañadora do 10º Concurso)
.
A postal gañadora do concurso realizada por Mesay Gómez será a Postal de Nadal coa que o Club Baloncesto Seis do Nadal Coia felicitará as festas na presente tempada 2016/2017 a tódolos seus deportistas, técnicos, adestradoras, familiares, amigos/as, colaboradores, patrocinadores, etc.
.
Ademais a creadora da postal gañadora do 10º Concurso de Postais de Nadal recibiu como premio durante a Presentación Oficial desta nova tempada 2016/2017 no pavillón municipal de Navia e das mans de Abel Caballero, Alcade do Concello de Vigo, e Concepción Martins, Presidenta do Seis do Nadal Coia, unha mostra ampliada da postal e material deportivo.
Desde a Xunta Directiva da entidade, a Dirección Deportiva e desde tódolos estamentos do Club Baloncesto Seis do Nadal Coia queremos darlle a noraboa e felicitar a Mesay Gómez, sen esquecernos de felicitar e amosar todo o noso máis sincero agradecemento a tódolos participantes nesta nova edición do concurso polo seu esforzo e pola orixinalidade na realización de cada unha das postais presentadas.