(Alumnos/as de 6º de Educación Primaria no Torneo Interclases)
.
O Club Baloncesto Seis do Nadal - Coia organizou durante a primeira semana do mes de outubro a quinta das edicións do Torneo Interclases no Colexio Celso Emilio Ferreiro coa colaboración da área de Educación Física de dito centro do barrio de Coia e cadrando co inicio da nova tempada 2016/17.
.
Os alumnos e alumnas das clases de cuarto, quinto e sexto de educación primaria do CEP Celso Emilio Ferreiro en Coia participaron nesta edición do tradicional Torneo Interclases co obxectivo de coñecer e achegarse á actividad do baloncesto, actividade que se desenvolve no centro os luns e martes de 16:00 a 17:00 horas.
.
(Nenos/as de 4º de Educación Primaria participantes no Torneo)
.
En cada clase os propios alumnos e alumnas, coa axuda e apoio do profesor de Educación Física, fixeron os equipos de xogo e escolleron un nome. Os oito equipos que participaron na xornada de sexto de educación primaria foron Os Bulls, Os Warrios, Os da tripla, Os Pelochos, Os Celtics, O tren da vitoria, Élite Swager e Extrem Básket.
O nome dos equipos de cuarto de educación primaria foron Granada, Kiwi, Laranxa, Mazá, Melocotón, Pera, Pomelo e Sandía. En quinto de primaria xogaron os equipos Mercurio, Venus, Marte, Xúpiter, Saturno, Neptuno, Urano e Plutón.
.
(Alumnos/as de 5º de Educación Primaria do CEP Celso E. Ferreiro)
.
Preto de 150 nenos e nenas do CEP Celso Emilio Ferreiro de Coia participaron na nova edición do Torneo Interclases de promoción organizado polo Club Baloncesto Seis do Nadal Coia, iniciativa que achegou o baloncesto a tódolos alumnos e alumnas do centro vigués ademais de dar a coñecer tódalas normas de xogo e os fundamentos máis básicos de mans dun grupo de adestradaores e adestradoras da entidade de Coia.
Máis fotos do Torneo Interclases no Celso E. Ferreiro