(O Seis do Nadal - Coia xogou un amistoso en cadeira de rodas no Memorial Pablo Beiro. Fotografías de Marta G. Brea)
..
O Club Baloncesto Seis do Nadal participou na Primeira Edición do Memorial Pablo Beiro que organizou o CD Amfiv o pasado mércores día 12 de outubro do 2016 no Pavillón Pablo Beiro (Bouzas), como homenaxe ao fundador e anterior presidente do CD Amfiv falecido no anterior mes de febreiro do ano 2015.
..
O equipo de Liga EBA do club disputou un partido amigable de baloncesto en cadeira de rodas ante as xogadoras do Celta Zorka de Liga Feminina 2. A continuación tivo lugar a presentación de tódalas seccións do Amfiv e foron entregadas unhas placas conmemorativas aos familiares de Pablo Beiro.
..
Como prato forte deste Memorial enfrontáronse no pavillón de Bouzas o Amfiv e o Fundación Grupo Norte Valladolid, ambos da Primeira División de Baloncesto en Cadeira de Rodas.
..
(Un dos momentos do amistoso en cadeira de rodas que disputou o equpio de Liga EBA durante o I Memorial Pablo Beiro. Fotografía de Marta G. Brea)