(O equipo Júnior Masculino do club da presente tempada 2015/2016)
..
Os equipos Júnior Masculino "A" e Júnior Feminino do Club Baloncesto Seis do Nadal - Coia disputarán, a partir desta fin de semana, as Fases de Ascenso á Liga Primeira División despois de ter conseguido a clasificación nas súas competicións zonais correspondentes.
.
O equipo Júnior Masculino "A", adestrado por Albert Tomas, disputará a Fase de Ascenso no Grupo Sur xunto a Xuven (Cambados), Obradoiro Peleteiro (Santiago de Compostela) e Bosco Salesianos (Ourense), despois de rematar na primeira posición no Grupo E Vigo.
O Júnior Feminino, dirixido por Andrés Álvarez, xogará a Fase de Ascenso Grupo Sur fronte a Xuventude (Cambados), Arxil "B" (Pontevedra) e Airexa Baiona Venus (Nigrán), tras finalizar no segundo posto do Grupo C Vigo-Ourense.
(O conxunto Júnior Feminino do club da presente tempada 2015/2016)