(O Infantil Masculino "A" despois da entrega de trofeos da Copa Galicia)
INFANTIL MASCULINO "A"
.
SUBCAMPIÓN COPA GALICIA
.
O Infantil Masculino "A", Seis do Nadal - Coia, do Club Baloncesto Seis do Nadal - Coia proclamouse subcampión da Fase Final da Copa Galicia Infantil Masculina 13/14 disputada o pasado domingo día 10 de novembro do 2013 no pavillón Vila de Noia en Carballo.
.
Os catro equipos que se clasificaron para a disputa da Fase Final foron o Seis do Nadal - Coia, primeiro clasificado do Grupo "A"; o Instituto Rosalía (Santiago de Compostela), primeiro clasificado do Grupo "B"; o Sigaltec (Vilagarcía de Arousa), segundo clasificado do Grupo "B"; e o Carballo Básket, na primeira posición do Grupo "C".
.
Na semifinal disputada pola mañá o Seis do Nadal - Coia xogou ante o Instituto Rosalía conseguindo a vitoria (60-50) e a clasificación para a final. Na final enfrontáronse o Carballo Básket, combinado que venceu na súa semifinal ao equipo Sigaltec BBC, e o Seis do Nadal - Coia. O partido da final foi sempre controlado polo conxunto anfitrión, o Carballo Básket, quen foi capaz de aumentar a diferenza no marcador período tras período ata a vitoria final (63-39).
A clasificación final da Fase Final da Copa Galicia Infantil Masculina da presente tempada 2013/2014 foi:
1º- CARBALLO BÁSKET (Carballo)
2º- SEIS DO NADAL - COIA (Vigo)
3º- INSTITUTO ROSALÍA (Santiago de Compostela)
4º- SIGALTE BBC (Vilagarcía de Arousa)
.
(Xogador do Seis do Nadal - Coia recollendo a copa de subcampión)
.
(O Seis do Nadal - Coia e o Carballo Básket despois de xogar a final)
.
Fotos de Raúl López (Ideal Gallego)