.
Carlos Guada e Pablo Sánchez serán os dous novos técnicos do equipo Júnior Feminino "A" do Club Baloncesto Seis do Nadal - Coia da próxima tempada 2012/13, grupo que estará composto por xogadoras nadas no ano 1996 e que competirá na Liga 2ª División Júnior Feminina.
.
Carlos Guada incorporouse a pasada tempada 2011/2012 ao corpo técnico do Club Baloncesto Seis do Nadal adestrando ao Cadete Feminino "B", conxunto que participou na Liga 2ª División Cadete Feminina. Esta novo curso 2012/2013 farase cargo da dirección do conxunto Júnior Feminino "A", ademais de ser o adestrador axudante do Júnior Masculino "A".
.
Pablo Sánchez, Preparador Físico do club, será de novo adestrador axudante do grupo Júnior Feminino "A" a próxima tempada 2012/13, cumprindo a súa quinta campaña no corpo técnico desde a súa primeira tempada no curso 2008/09.
.
Inicio adestramentos de pretempada
.
O equipo Júnior Feminino "A" comezará os adestramentos de pretempada o próximo luns 20 de agosto ás 20:00 horas no Colexio Seis do Nadal.