(O Cadete Feminino "A" co trofeo e as medallas de subcampioas galegas)
.
O combinado Cadete Feminino "A", Seis do Nadal - Coia, do Club Baloncesto Seis do Nadal - Coia, adestrado e dirixido esta tempada por Jorge Martínez, Pablo Sánchez e Ignacio Sánchez, participará na Fase Final do XIV Campionato de España de Clubes Cadete Feminino que se disputará nas localidades de Monzón e Barbastro (Zaragoza) do 27 de maio ao 2 de xuño do 2012.
..
O sorteo dos calendarios de xogo correspondente á Fase Final do XIV Campioanto de España Cadete Feminino tivo lugar o mércores 16 de maio do 2012 ás 19:00 horas na localidade de Monzón, sorteo no que o Seis do Nadal - Coia coñeceu os seus primeiros rivais e os horarios da primera fase.
.
O Seis do Nadal - Coia estará encadrado no Grupo "H" do Campionato xunto aos equipos UVA Ponce "A" (Valladolid), Auka Bidaiak Gernika (Guernika) e CD Básket Mar "A" (Gijón); primeiro equipo clasificado de Castela León, primeiro clasificado do País Vasco e primeiro clasificado de Asturias respectivamente.
.
O primeiro encontro do conxunto vigués no grupo "H" será o domingo 27 de maio ás 16:00 horas ante o CD Básket Mar "A", xogando ante o UVA Ponce "A" o luns 28 de maio ás 13:00 horas e ante o Auka Bidaiak Gernika o martes 29 de maio do 2012 ás 16:00 horas.
.
A continuación se poden consultar tódolos grupos e horarios da Fase Final do Campionato de España Cadete Feminino que se disputará nas localidades de Monzón e Barbastro:
.
Entrega de trofeo e medallas de subcampioas galegas
.
O pasado sábado día 19 de maio do 2012 no polideportivo de Navia, Alberte Zato e Gómez de Liaño, Vicepresidente da Federación Galega de Baloncesto, fixo entrega ao Cadete Feminino "A" do Club Baloncesto Seis do Nadal - Coia das medallas e do trofeo de campioas galegas da Liga 1ª División Cadete Feminina da presente tempada 2011/2012.
