.
O próximo domingo 18 de decembro do 2011 se celebrará o 8º Torneo Internacional de Minibásquet "Vila de Marín" no Pavillón A Raña, organizado polo Marín Peixegalego no que participarán un total de oito equipos divididos en dous grupos que buscarán conseguir o novo título de campión.
.
Unha tempada máis o Club Baloncesto Seis do Nadal - Coia participará neste tradicional torneo de Nadal. Así o equipo Alevín Masculino "A", adestrador por Alicia Álvarez e Borja Martínez, participará no torneo xunto a conxuntos da talla de Oporto, Agustinos Eras León, Estudiantes de Lugo, Escolas Deportivas de Ourense, Rosalía Castro de Santiago e Básquet Coruña.
.
(Equipo Alevín Masculino "A" do C.B. Seis do Nadal - Coia)
.
O equipo do Seis do Nadal - Coia estará encadrado no grupo "A" xunto ao Agustinos de León, as Escolas Deportivas de Ourense e Básquet Coruña. Os partidos que xogará o Seis do Nadal - Coia na primeira fase durante a xornada da mañá son os seguintes:
09:00 h.: AGUSTINOS LEÓN - SEIS DO NADAL COIA
12:00 h.: BÁSQUET CORUÑA - SEIS DO NADAL COIA
13:00 h.: SEIS DO NADAL COIA - ESCOLAS OURENSE
Unha vez rematada a fase de grupos, o 1º e 2º do grupo "A" se enfrontarán ao 2º e 1º do grupo "B" sendo os gañadores os dous equipos da final do torneo. Os terceiros e cuartos dos grupos se enfrontarán entre eles para coñecer os equipos que ocuparán os postos do 5º ao 8º.
I Torneo Infantil Feminino "Vila de Marín" 2011
Paralelamente ao torneo de minibásquet, o Marín Peixegalego organiza, no Pavillón de Sequelo e na mesma xornada do domingo día 18 de decembro, a primeira edición do Torneo Infantil Feminino "Vila de Marín" aproveitando a presenza do clubs no torneo alevín.
O equipo Infantil Feminino "A" do Club Baloncesto Seis do Nadal - Coia, dirixido por Sergio González, Alicia Álvarez e Daniel Rodríguez, participarán no cuadrangular xunto ao Marín Peixegalego, Estudiantes de Lugo e Agustinos Eras de León.
.
(Equipo Infantil Feminino "A" de Coia da Liga 1ª División)
.
As semifinais se disputarán ás 10:30 horas e ás 12:30 horas e enfrontarán ao Marín Peixegalego e Seis do Nadal - Coia, e ao Agustinos Eras León e ao Esutdiantes de Lugo. Os equipos participantes xogarán ás 16:00 horas o terceiro e cuarto posto, sendo ás 18:00 horas a gran final.