(O Sénior Masculino Autonómico na segunda xornada da 2ª División)
..
LICEO CASINO (Vilagarcía de Arousa) 72
..
SEIS DO NADAL - COIA (Vigo) 75
.
Nova vitoria conseguida polo Sénior Masculino Autonómico do Club Baloncesto Seis do Nadal - Coia o pasado sábado 15 de outubro do 2011 no Pavillón de Fontecarmoa (Vilagarcía de Arousa) no partido correspondente á segunda xornada da Liga 2ª División Sénior Masculina 2011/2012.
.
O partido comezou cun primeiro período de gran igualdade no que ningún dos dous equipos do xogo conseguía adiantarse no marcador (15-15). No segundo cuarto o conxunto do Seis do Nadal aproveitou a fluidez do seu ataque estático e a elevada porcentaxe de tiro exterior dos seus xogadores para chegar ao descanso cun 34-44 no marcador.
Cando parecía que na segunda metade do encontro continuaría a liña ascendente do Seis do Nadal - Coia, no terceiro período o equipo local conseguía achegarse no marcador e volver a ter opcións de disputar o encontro, perdendo así toda a vantaxe conseguida no inicio do cuarto.
.
(O equipo do Seis do Nadal nunha acción ofensiva en Vilagarcía)
.
O último período do encontro comezou cun axustado 58-59 no marcador, pero de novo a mellor das versións do Seis do Nadal apareceu na pista de Fontecarmoa, cunha gran defensa que evitaba os intentos do equipo de Vilagarcía de adiantarse no marcador e cun gran acerto nas accións de contraataque.
A falta dun minuto para o final do partido o electrónico marcaba un 70-73 a favor do Seis do Nadal, pequena vantaxe que se mantivo ata o final do encontro conseguindo a segunda vitoria na competición por 72 a 75, primeira vitoria a domicilio do combinado dirixido por César Álvarez.
Despois da segunda xornada da 2ª División Sénior Masculina 2011/2012 o Seis do Nadal - Coia ocupa a terceira posición da clasificación. A clasificación completa da competición é a seguinte: