.
A Delegación Viguesa de Baloncesto emitiu esta semana a Clasificación de Clubs da DVB por puntos da tempada 2010/11. Nesta clasificación de fin de tempada tense en conta (segundo o baremo de puntos en descenso unitario en cada unha das clasificacións zonais finais) os equipos participantes de cada club e, por suposto, os resultados deportivos.
.
Na presente tempada 2010/11 xa finalizada, o Mellor Club de Vigo e Comarca, é dicir, o primeiro clasificado na Clasificación de Clubs da Delegación Viguesa de Baloncesto foi o Club Baloncesto Seis do Nadal - Coia.
.
Deste xeito, o Club Baloncesto Seis do Nadal consegue por décimo ano consecutivo este título outorgado pola Delegación Viguesa de Baloncesto. O noso club acadou este galardón nos cursos 2001/02, 2002/03, 2003/04, 2004/05, 2005/06, 2006/07, 2007/08, 2008/09, 2009/10 e, agora, 2010/11.
.
Este galardón volve a mostrar novamente o excelente e sólido traballo de formación que se desenvolve na nosa entidade co deporte base, converténdose na mellor canteira da cidade de Vigo e dunha das mellores canteiras de formación de Galicia.
.
A clasificación xeral por puntos dos dez primeiros Clubs da Delegación Viguesa de Baloncesto da tempada 2010/2011 é a seguinte:
.
1º- SEIS DO NADAL - COIA (236)
2º- PORRIÑO BALONCESTO BASE (199)
3º- SALESIANOS (140)
4º- TUI (122)
5º- MARISTAS (117)
6º- BAIONA (103)
7º- COMPAÑÍA DE MARÍA (87)
8º- APÓSTOL (84)
9º- SAN JOSÉ DE LA GUÍA (70)
10º- VIGO A.M. (66)