As Preseleccións Galegas de Minibásquet particparán, fóra de competición, no Torneo Internacinal Minibásquet Teresa Herrera, actividade organizado polo Básquet Coruña na cidade de A Coruña.
As dúas Preseleccións masculina e feminina, aproveitarán así a xornada do sábado día 3 de xaneiro para realizar unha concentración que culminará coa súa participación neste torneo.
As Preseleccións enfrontaranse, ás 18:45 horas nas Instalacións do INEF en A Coruña, a sendos combinados de xogadores e xogadoras participantes no torneo.
Para esta nova concentración foron convocados do Club Baloncesto Seis do Nadal - Coia, en categoría masculina Borja Astray, xogador do Alevín Masculino "A", adestrado por Sergio González; e en categoría feminina María Pérez e Ana Isabel Fernández, xogadoras do Alevín Feminino "A", adestradas por Aalí Mohamed.
No corpo técnico destas Seleccións Alevíns tamén hai representación do Club Baloncesto Seis do Nadal - Coia, pois Sergio González, Director Deportivo e adestrador do club, é un dos integrantes do corpo técnico da Selección Galega de Minibásquet Masculina.
Desde o Club Baloncesto Seis do Nadal - Coia queremos desexarlle moita sorte a Borja Astray, María Pérez e Ana Isabel Fernández e darlle a noraboa por esta nova oportunidade da que van a disfrutar o próximo sábado e que de seguro aproveitarán para seguir aprendendo e mellorando.