No mes de setembro, adicado especialmente aos adestradores e adestradoras do Club Baloncesto Seis do Nadal - Coia neste inicio de tempada, a Dirección Deportiva organizará diversas charlas técnicas como formación complementaria para tódolos técnicos. As primeiras charlas que o noso corpo técnico recibirá serán o próximo domingo 7 de setembro a partir das 17:00 horas no Colexio Celso Emilio Ferreiro.
Na primeira charla desta primeira xornada, o Comité Vigués de Árbitros, representado por dous dos seus membros, exporá, explicará e aclarará os "Principais cambios e modificacións das Regras Oficiais do Baloncesto" que entrarán en vigor a partir do próximo mes de outubro.
Charla: "PRINCIPAIS CAMBIOS E MODIFICACIÓNS DAS REGRAS OFICIAIS DO BALONCESTO"
Día e Hora: DOMINGO 7 DE SETEMBRO, ás 17:00 h.
Lugar: COLEXIO CELSO EMILIO FERREIRO (COIA)
Conferenciante: JORGE MORENO E JAVIER GONZÁLEZ (CVAB)
A segunda charla que se impartirá neste primeira xornada do domingo 7 de setembro será a cargo de Pablo Sánchez, Preparador Físico do Club Baloncesto Seis do Nadal - Coia, baixo o título "Nocións Básicas da Preparación Física en categorías de formación".
Charla: "NOCIÓNS BÁSICAS DA PREPARACIÓN FÍSICA EN CATEGORÍAS DE FORMACIÓN"
Día e Hora: DOMINGO 7 DE SETEMBRO, ás 18:30 h.
Lugar: COLEXIO CELSO EMILIO FERREIRO (COIA)
Conferenciante: PABLO SÁNCHEZ (Preparador Físico)
Os contidos destas charlas de formación estarán orientados fundamentalmente á realidade técnica e deportiva do Club Baloncesto Seis do Nadal - Coia, máis a entrada e asistencia é libre e poden participar nelas tódalas persoas interesadas.