Borja Martínez, actual xogador do equipo Sénior Masculino do Club Baloncesto
Seis do Nadal - Coia desde a pasada campaña, compaxinará as súas labores e funcións de xogador coas de adestrador e monitor de
Escolas Deportivas a partir deste novo curso deportivo escolar 2008/09 que comeza neste mes de outubro.
Borja colaborará nas escolas do CEIP Seis do Nadal os martes e xoves, e nas escolas do CEIP Alfonso Rodríguez Castelao os mércores. Deste xeito, Borja dará un salto na súa traxectoria deportiva ao impartir e transmitir os sues coñecementos e experiencias aos máis deportistas máis novos.
Dentro dos obxectivos da Dirección Deportiva do club, está o de vincular aos membros á entidade, sendo un deles a posibilidade de compaxinar as funcións de xogador coa de adestrador axudante ou monitor.
Con esta nova incorporación, o Club Baloncesto Seis do Nadal - Coia continúa facendo realidade os seus obxectivos en canto á incorporación de novos adestradores e monitores ao Deporte Federado e neste caso ás Escolas Deportivas.