Martín Rodríguez Álvarez (1996); Alevín Masculino "A"
Este ano o Club Baloncesto Seis do Nadal - Coia organizou a Primeira Edición do Concurso de Postais de Nadal como unha das novas iniciativas da entidade nesta nova temporada 2007-08. Este concurso iba dirixido a tódolos xogadores de minibásquet de equipos federados. O concurso tivo unha grande resposta por parte dos xogadores e xogadores dos equipos benxamíns e alevíns federados, realizando e debuxando postais de Nadal de grande calidade e orixinalidade.
A finalidade deste concurso era a elección da postal de Nadal que será a postal de felicitación que o Club Baloncesto Seis do Nadal - Coia empregará para desexarlle boas festas e un próspero aninovo a tódolos seus deportistas, adestradores, directivos, socios, patrocinadores, colaboradores, clubes de baloncesto, e a tódala gran familia que forma o Seis do Nadal.
O xurado deste I Concurso de Postais de Nadal foi o equipo Júnior Feminino. Este xurado foi elixido mediante un sorteo entre tódolos equipos infantís, cadetes, júniors e séniors do Club Baloncesto Seis do Nadal - Coia.
Así pois, a postal gañadora deste I Concurso de Postais de Nadal é a postal realizada por Martín Rodríguez Álvarez, xogador do Alevín Masculino "A" nesta temporada 2007-08.
Desde a Dirección Xeral do Club Baloncesto Seis do Nadal - Coia queremos darlle a noraboa e felicitar a Martín Rodríguez pero tamén queremos felicitar e mostrar todo o noso agradecemento a tódolos participantes polo seu esforzo na elaboración da postal e pola súa orixinalidade nos motivos da mesma.