.jpg)
.jpg)
Hoxe, mércores 07 de novembro do 2007, aparece publicada na sección "Campeones" do Faro de Vigo unha ampla reportaxe do Club Baloncesto Seis do Nadal - Coia.
Nesta reportaxe se resalta esta nova temporada 2007-08 como unha temporada histórica no número de xogadores vinculados ao club, contando cunha canteira de máis de catrocentos xogadores dos cales a metade deles xa participa en competicións oficiais e a outra gran parte forma parte dunha gran escola deportiva. Debido a este aumento no número de xogadores e xogadoras, así como o aumento no número de adestradores e adestradoras, preto esta temporada dos 35 monitores de baloncesto, a reportaxe destaca que o Club Baloncesto Seis do Nadal estase a converter nunha referencia histórica do baloncesto vigués, superando xa a outros clubes que contaban con moita máis tradición.
Desde o Club Baloncesto Seis do Nadal - Coia queremos amosar o noso agradecemento a Faro de Vigo e á sección "Campeones" por esta reportaxe dedicada a nosa entidade e, en especial, a nosa canteira de xogadores, xogadoras, adestradores e adestradoras, xa que son os culpables de que os nosos retos e as nosas ilusións se fagan realidade.