O
pasado martes 30 de outubro a partir das 17:15 horas nos locais da Federación Galega de
Baloncesto realizáronse os sorteos dos grupos e os calendarios de xogo das Ligas Autonómicas de categoría
Infantil, Cadete e Júnior masculino e feminino para a temporada 2007-08.
Nestes sorteos os equipos do Club Baloncesto Seis do Nadal - Coia que participan nas Ligas F.G.B. 2007-08 (Infantil Masculino "A", adestrado por Nuria Gómez; Infantil Feminino "A", adestrado por Jorge Martínez e Pablo Sánchez; Cadete Masculino "A", adestrado por Marcos Blanco e Sergio González; Júnior Feminino, adestrado por Francisco García) quedaron encadrados nos calendarios da seguinte forma.
Infantil Masculino
Grupo A: Seis do Nadal "A" (Vigo), San Rosendo (Ferrol), Aluminios Cortizo Cluny (Santiago), Mesón O Escudo (Ferrol), Gayolo Ford (Betanzos), Blanco Amor Red 1 (Ourense), Canteiras "A" (O Porriño), B. Vigo (Vigo).
Infantil Feminino
Grupo A: Seis do Nadal "A" (Vigo), Pabellón Ourense (Ourense), Carmelitas 94 (Ourense), Aluminios Cortizo Cluny (Santiago), Estudiantes (Lugo), Aledabca B. Coruña (A Coruña), Pontumio (Pontedeume), Cortegada (Arosa).
Cadete Masculino
Grupo A: Seis do Nadal "A" (Vigo), Fedesa (Santiago), Celtas Martínez Otero (Foz), Peleteiro (Santiago), B.B.C. (Arosa), Caixanova Rosalía (Santiago), Tirso de Molina (Ferrol), Peixegalego (Marín).
Júnior Feminino
Grupo A: Seis do Nadal (Vigo), Ándersen (Vigo), Calasancias Maestro Mateo (A Coruña), Celta Caixanova (Vigo), Cidade de Lugo (Lugo), Pabellón Ourense (Ourense).
O inicio desta competición será o próximo fin de semana, 10 e 11 de novembro, data na que os nosos catro equipos se estrearán nesta nova competición de ámbito autonómico. Os calendarios destas competicións estarán dispoñibles proximamente.