O pasado venres 19 de outubro celebrouse nos locais da Delegación Viguesa de Baloncesto un Curso Básico de Oficiais de Mesa organizado polo Comité Vigués de Árbitros prevendo que co comezo de tódalas competicións habería moitos problemas para que tódolos partidos tiveran como mínimo un árbitro e un oficial de mesa.
O Club Baloncesto Seis do Nadal - Coia estivo representando neste Curso de Oficiais de Mesa por un número importante de xogadores e xogadoras. Deste xeito, asistiron a este curso: Jose Miguel Diéguez (Cadete Masculino "A"), Adrián Comesaña (Cadete Masculino "C"), Noelia Duarte (Cadete Feminino), Elina Rodríguez (Cadete Feminino), Joshua Pazos (Júnior Masculino "B") e Leticia Estévez (Júnior Feminino).
Deste xeito o Club Baloncesto Seis do Nadal - Coia colabora coa Delegación Viguesa de Baloncesto e co Comité Vigués de Árbitros para intentar evitar a toma de decisións tan drásticas nas competicións zonais como a reducción de encontros semanais ou a suspensión dos mesmos por falta de persoal dispoñible cada xornada.
Se algún membro do Club Baloncesto Seis do Nadal - Coia (xogador/a, adestrador/a, directivo/a, socio/a, familiar, patrocinador ou colaborador) estivese interesado en formar parte do Comité Vigués de Árbitros, como árbitro ou como oficial de mesa, soamente ten que dirixirse ao Coordinador Deportivo Sergio González do club ou chamar ao número de teléfono 627 516 980.