Jorge Martínez, un dos adestradores que máis tempo leva adestrando no Club Baloncesto Seis do Nadal - Coia, continuará no club esta nova temporada. Na temporada 1997/98 Jorge incorporouse ao staff técnico do Seis do Nadal como adestrador, despois de ser xogador do club durante moitos anos. Pasados moitos anos, este adestrador continua pertencendo á mesma entidade que lle deu a oportunidade de adentrarse no mundo da canastra.Nesta nova temporada dirixirá ao Infantil Feminino "A" despois de ser o seu adestrador axudante a campaña pasada. Este equipo participará na fase previa da delegación para intentar buscar e conseguir unha praza na Liga F.G.B. Infantil Feminina. Unha vez rematado un ano de moito traballo e esforzo, comeza un novo camiño para este equipo que se atopa nunha etapa na que demostrar que todo esforzo e compromiso da os seus froitos. O inicio da pretemporada do equipo será o próximo luns 20 de agosto ás 19:00 horas na ponte de Castrelos.
TRAXECTORIA NO CLUB:
- Desde a temporada 1997-98 ata a actualidade.
- TEMPORADA 2006-07: Alevín Feminino "A" e Infantil Feminino.
- TEMPORADA 2005-06: Alevín Feminino "B".