(O Presidente da FGB, Francisco Martín, participou do simbólico traspaso de responsabilidade na Delegación de Vigo)
.
A Delegación en Vigo da Federación Galega de Baloncesto materializou o pasado venres 1 de xullo un cambio persoal na súa dirección, tras vinte anos con Alberte Zato ao fronte.
.
O vicepresidente primeiro da Federacíon Galega de Baloncesto deixou a súa labor como Delegado en Vigo, tras dúas décadas de constante traballo conducindo os designios do Baloncesto Galego nesta zona.
.
Zato, quen se despediu deste cargo agradecendo de xeito "total e inequívoco" toda a colaboración e o esforzo, e toda a preocupación de todos aqueles que o tiveron acompañado nesta etapa, cedeu a súa vez o papel de principal dirixente da Delegación a José Luis Pérez Pérez, novo responsable da Delegacíon Viguesa de Baloncesto.
.
José Luis Pérez Pérez recibiu das mans de Alberte Zato unha responsabilidade e tamén un reto, feito para o que este último agarda que se atope co "mesmo respecto, consideración e axuda" que el mesmo recibiu durante todos estes anos e que, por suposto, agradece enerxicamente.
.
Zato despediuse de todo o baloncesto vigués desexando a mellor das sortes a todos os que collerán este o seu relevo, mantendo o seu compromiso actual como Vicepresidente da Federación Galega de Baloncesto e agradecendo de xeito moi especial a toda a súa familia; ao presidente de honra da FGB, Francisco García; ao actual presidente, Francisco Martín; aos seus dous estreitos colaboradores, Jorge G. Marqués e Óscar Márquez; e ao total do engranaxe do Baloncesto na cidade de Vigo (directivos, xogadores, colexiados e adestradores).