CONTINÚAN AS VISITAS DO SÉNIOR MASCULINO ASCENDIDO A LIGA EBA ÁS ESCOLAS DEPORTIVAS DO CLUB

(Visita do Sénior á Escola Deportiva do CEIP Pintor Laxeiro)

..

(A Escola Deportiva do Celso Emilio cos xogadores sénior)

..

(A sesión de baloncesto do Colexio Labor compartida cos sénior)

..

Continúan as visitas do Sénior Masculino recién ascendido a Liga EBA do Club Baloncesto Seis do Nadal - Coia aos nenos e nenas das diferentes Escolas Deportivas da entidae. Unha representación dos xogadores e técnicos do conxunto visitou, no que vai de semana, ás Escolas Deportivas do CEP Celso E. Ferreiro, CEIP Pintor Laxeiro e Colexio Labor.

..

Os xogadores do combinado Sénior Maculino compartiron cos máis pequenos a súa experiencia na Fase Final A4 disputada en Culleredo así como no camiño que percorreron durante toda a tempada. Ademais tódolos deportistas das escolas fixéronlle preguntas aos xogadores sénior, para rematar as visitas cunha fotografía de grupo.

..

..

(Máis momentos das visitas do Sénior ás Escolas Deportivas)

O SÉNIOR MASCULINO ASCENDIDO A LIGA EBA VISITA A ESCOLA DEPORTIVA DO DOUTOR FLÉMING

(Xogadores do Sénior xunto aos nenos/as do Doutor Fléming)

..

Unha representación dos xogadores e adestradores do Sénior Masculino recién ascendido a Liga EBA do Club Baloncesto Seis do Nadal - Coia visitiou aos nenos e nenas da Escola Deportiva do CEIP Doutor Fléming.

..

Os xogadores do combinado Sénior Maculino compartiron cos máis pequenos a súa experiencia na Fase Final A4 disputada en Culleredo, vila na que conseguiron o Ascenso á Liga EBA fai xa dúas semanas. Ademais tódolos nenos e nenas desta escola deportiva puideron facerlle preguntas aos "maiores" así como facerse unha fotografía de grupo.

..

..

..

(Máis momentos da visita do Sénior ao CEIP Doutor Fléming)

GRAN DESPEDIDA DAS ESCOLAS DEPORTIVAS DO CURSO 2014/2015 E DAS LIGAS LINCO CLASS 2015

(Tódolos nenos e nenas das Escolas Deportivas de Baloncesto co seu regalo)

.

O pasado venres 29 de maio do 2015 tivo lugar a xornada de clausura da tempada 2014/2015 das Escolas Deportivas Municipais de Baloncesto e das Ligas Internas de Colexios, Ligas LINCO CLASS ´15, organizadas polo Club Baloncesto Seis do Nadal Coia dentro do programa municipal de Escolas Deportivas.

.

A xornada comezou no Pavillón Municipal de Navia con partidos amigables entre todos os combinados das Escolas Deportivas. Tódolos xogadores e xogadoras do CEIP Seis do Nadal, CEIP Doutor Fléming, CEP Celso Emilio Ferreiro, CEIP Pintor Laxeiro, CEIP Javier Sensat, Colexio Labor e as EDM Balaídos, EDM Berbés e EDM Navia puideron despedir a tempada 2014/2015 xogando contra os demais escolares que xa son "compañeiros e amigos".

.

.

.

.

.

.

Os máis de 200 xogadores e xogadoras que se reuniron no polideportivo de Navia puideron demostrar ao público todo o aprendido ao longo do curso que comezou no mes de outubro do pasado ano. Desde entón tódolos escolares aproveitaron os adestramentos semanais e as xornadas das Ligas Internas de Colexios 2015, cun total de 208 partidos na Liga Linco e 48 encontros na Liga Linco XL, para aprender e mellorar das mans dos seus adestradores e adestradoras.

.

Para clausurar a xornada levouse a cabo a entrega de regalos a tódolos rapaces e rapazas, así como ao grupo de árbitros das Ligas Internas de Colexios, grupo formado por xogadores e xogadoras federados de categoría cadete e júnior do Club Baloncesto Seis do Nadal Coia. No acto de clausura estiveron presentes, acompañando ao Club Baloncesto Seis do Nadal, Manel Fernández, Concelleiro Deportes do Concello de Vigo; Pablo Alberte, técnico do Instituto Municipal dos Deportes; David Lemos, Xefe de Estudos de CLASS Escolas de Idiomas; Concepción Martins, Presidenta do Club Baloncesto Seis do Nadal; Antonio Iglesias e Ramón Román, directivos da entidade; e Sergio González, Director Deportivo do club.

.

.

.

.

.

Pódese acceder a tódolas fotos da clausura e das Ligas LINCO CLASS 2015 pulsando AQUÍ

GRAN PARTICIPACIÓN NO COMEZO DAS NOVAS EDICIÓNS DAS LIGAS LINCO CLASS 2015 DO SEIS DO NADAL

.

.

(Imaxes da xornada de presentación das Ligas LINCO CLASS 2015)

.

O pasado venres día 30 de xaneiro do 2015 tivo lugar no pavillón de Navia a presentación dos equipos e participantes das Ligas LINCO CLASS 2015 organizadas unha tempada máis polo Club Baloncesto Seis do Nadal - Coia.

.

Máis de 200 nenos e nenas xunto aos preto de 20 monitores saltaron á pista coa nova camiseta que vestiran ao longo das competicións interesoclares desta tempada. Un total de 24 equipos formados por nenos e nenas  dos colexios CEIP Seis do Nadal, CEIP Illas Cíes, CEP Celso Emilio Ferreiro, CEP Doutor Fléming, CEIP Pintor Laxeiro, CEIP Javier Sensat e Colexio Labor, e das tres Escolas Deportivas Municipais do Berbes, Balaídos e Navia; competirán a partir do próximo venres día 6 de febreiro nas novas Ligas LINCO CLASS.

.

Tamén estivo presente o grupo de árbitros destas dúas novas edicións, formado por 17 xogadores dos equipos federados da entidade viguesa das categorías cadete, júnior e sénior que aproveitarán as Ligas LINCO para formarse como árbitros de baloncesto.

 

(Antes do primeiro partido e de esquerda a dereita: David Lemos, Xefe de Estudos de CLASS; Manel Fernández, Concelleiro de Deportes do Concello de Vigo; e Concepción Martins, Presidenta do club)

.

Para iniciar os primeiros dos partidos amigables deste curso estiveron presentes na xornada Manel Fernández, Concelleiro de Deportes do Concello de Vigo; David Lemos, Xefe de Estudos de CLASS Escolas de Idiomas; José Luis Pérez, en representación da Federación Galega de Baloncesto; Ánxeles Rivela, Directora do Colexio Seis do Nadal; Concepción Martins, Presidenta do Club Baloncesto Seis do Nadal - Coia; Julio Rodríguez, Antonio Iglesias e Ramón Román, tres directivos do club; e Sergio González, Director Deportivo da entidade.

 

(Manel Fernández deu o salto inicial ao primeiro partido de categoría alevín)

 

(José Luis tirou o balón ao aire no primeiro partido benxamín)

 

A partir do próximo venres día 6 de febreiro dará comezo a competición oficial das Ligas Internas de Colexios. A primeira xornada da 13ª Liga LINCO 2015 terá lugar no pavillón de Navia desde as 16:15 ata as 18:00 horas, sendo a celebración dos primeiros partidos da 6ª Liga LINCO XL no polideportivo de Balaídos de 18:00 a 19:00 horas.

PRESENTADAS AS NOVAS EDICIÓNS DAS LIGAS INTERNAS DE COLEXIOS, LIGAS LINCO, DO C.B. SEIS DO NADAL

(De esquerda a dereita: Sergio González, Director Deportivo do Club Baloncesto Seis do Nadal - Coia; Julio Rodríguez, membro da Xunta Directivo do club; Manel Fernández, Concelleiro de Deportes do Concello de Vigo; e Ramón Román, directivo do club vigués)

.

O xa pasado luns día 26 de xaneiro do 2015 tivo lugar na Concellería de Deportes do Concello de Vigo a presentación aos medios das dúas novas edicións das Ligas Internas de Colexios, Ligas Linco, que organizará o Club Baloncesto Seis do Nadal - Coia na presente tempada 2014/2015.

.

Coa presenza de Manel Fernández, Concelleiro de Deportes do Concello de Vigo, o Club Baloncesto Seis do Nadal Coia, representado por Julio Rodríguez e Ramón Román, dous dos membros da Xunta Directiva do club; e Sergio González, Director Deportivo da entidade; presentou as novas edicións das Ligas Internas de Colexios que organiza ano tras ano.

 

A partir do venres día 30 de xaneiro do 2015 se xogarán preto de 250 partidos entre as dúas competicións escolares. A Liga Linco de categoría minibásquet, dirixida a xogadores e xogadoras de 6 a 12 anos, cumpre xa o seu décimo terceiro aniversario e se celebrará tódolos venres no pavillón de Navia de 16:15 a 18:00 horas. A Liga Linco XL, na que participarán rapaces e rapazas infantís e cadetes de 13 a 16 anos, terá lugar cada dous venres nas pistas do pavillón de Balaídos de 18:00 a 19:00 horas.

 

Máis de 200 nenos e nenas participarán nas Ligas Linco 2015, escolares integrantes das Escolas Deportivas dirixidas e coordinadas do Club Baloncesto Seis do Nadal: as escolas deportivas dos colexios CEIP Seis do Nadal, CEIP Illas Cíes, CEP Celso Emilio Ferreiro, CEP Doutor Fléming, CEIP Pintor Laxeiro, CEIP Javier Sensat e Colexio Labor; e das tres Escolas Deportivas Municipais do Berbes, Balaídos e Navia.

.

As dúas novas Ligas Linco 2015 contarán co apoio de CLASS Escuela de Idiomas, así como coa colaboración de Larsa e Biscuits Galicia; e co apoio e co refozo da Concellería de Deportes do Concello de Vigo, o Instituto Municipal dos Deportes, a Fundación Vigo en Deporte e a Federación Galega de Baloncesto.

.

A Presentación Oficial das Ligas Linco - CLASS 2015 terá lugar o próximo venres día 30 de xaneiro do 2015 a partir das 16:15 horas nos Pavillón Municipal de Navia, nun acto que suporá o pistoletazo de saída das competicións interescolares organizadas polo Seis do Nadal.

 

O Concelleiro de Deportes vigués, Manel Fernández, reforzou o traballo realizado polo Club Baloncesto Seis do Nadal - Coia a prol do baloncesto de formación e destacou as dúas Ligas Linco como unha das actividades exemplares no ámbito do baloncesto escolar xa que aglutinan a un gran número de nenos e nenas practicando o deporte da canastra.

AS ESCOLAS DEPORTIVAS E AS LIGAS LINCO DESPIDEN O CURSO 2013/2014 CUNHA GRAN CLAUSURA

(Tódolos nenos e nenas das Escolas Deportivas de Baloncesto co seu regalo)

.

O pasado venres 30 de maio do 2014 tivo lugar a xornada de clausura da tempada 2013/2014 das Escolas Deportivas Municipais de Baloncesto e das Ligas Internas de Colexios, Ligas LINCO Linorsa ´14, organizadas polo Club Baloncesto Seis do Nadal Coia dentro do programa municipal de Escolas Deportivas.

.

A xornada comezou no Pavillón Municipal de Navia con partidos amigables entre todos os combinados das Escolas Deportivas. Tódolos xogadores e xogadoras do CEIP Seis do Nadal, CEIP Doutor Fléming, CEP Celso Emilio Ferreiro, CEIP Pintor Laxeiro, CEIP Javier Sensat, EDM Balaídos, EDM Berbés, EDM Navia e do CEIP Carrasqueira puideron despedir a tempada 2013/2014 xogando contra os demais escolares que xa son "compañeiros e amigos".

.

.

.

.

.

Os máis de 200 xogadores e xogadoras que se reuniron no polideportivo de Navia puideron demostrar ao público todo o aprendido ao longo do curso que comezou no mes de outubro do pasado ano. Desde entón tódolos escolares aproveitaron os adestramentos semanais e as xornadas das Ligas Internas de Colexios 2014, cun total de 196 partidos na Liga Linco e 48 encontros na Liga Linco XL, para aprender e mellorar das mans dos seus adestradores e adestradoras.

.

Para clausurar a xornada levouse a cabo a entrega de regalos a tódolos rapaces e rapazas, así como ao grupo de árbitros das Ligas Internas de Colexios, grupo formado por xogadores e xogadoras federados de categoría cadete e júnior do Club Baloncesto Seis do Nadal Coia. No acto de clausura estiveron presentes Pablo Alberte, Técnico do Insituto Municipal dos Deportes (IMD); Concepción Martins e Sergio González, Presidenta e Director Deprotivo do club.

.

.

.

.

(O grupo de adestradores e adestradoras das Escolas Deportivas deste curso)