Marcos
Blanco adestrará aos equipos Cadete Masculino "A" e
Cadete Feminino do Club Baloncesto Seis do Nadal - Coia a próxima tempada 2008/09. Despois de que este adestrador se incorporara ao corpo técnico da entidade fai tres anos na tempada 2005/06, para o ano cumprirá a súa cuarta tempada como técnico e monitor do noso club.
A pasada tempada 2007/08 Marcos adestrou, xunto a Sergio González, ao Cadete Masculino "A" que participou na Liga F.G.B. Cadete Masculina conseguindo a 10ª posición nos cruces clasificatorios do 9º ao 12º posto.
Para a próxima tempada 2008/09 adestrará ao Cadete Masculino "A" e ao Cadete Feminino, ambos grupos formados respectivamente por xogadores e xogadoras nados nos anos 1993 e 1994. Con estes dous grupos se marcará un obxectivo de mellora global e individual, e de perfeccionamento dos fundamentos técnico-tácticos do deporte, así como do coñecemento de novos conceptos básicos ofensivos e defensivos.
