O próximo sábado 20 de setembro do 2008 o Club Baloncesto Seis do Nadal - Coia organizará a Segunda Edición do Torneo 3x3 Aguas de Mondariz Seis do Nadal - Coia no Colexio Seis do Nadal desde ás 10:00 horas da mañá ata as 21:00 horas da tarde.
Despois da experiencia do I Torneo 3x3 Seis do Nadal celebrado o pasado 20 de abril do presente ano no que participaron máis de 200 xogadores e xogadoras cun total de 51 equipos inscritos, o Club Baloncesto Seis do Nadal - Coia organizará neste comezo de tempada o II Torneo 3x3 Augas de Mondariz Seis do Nadal - Coia como pistoletazo de saída da tempada 2008/09.
O torneo estará dividido en tres categorías: minibásquet, infantil-cadete e júnior-sénior. A categoría minibásquet e a categoría infantil-cadete xogarán sendos torneos 3x3 paralelos desde as 10:00 horas ata as 14:00 horas. Mentres que a categoría júnior-sénior xogará o torneo 3x3 desde as 16:00 ata as 21:00 horas.
Os equipos deben estar formados por 4 ou 5 xogadores/as, entre os cales debe haber como mínimo un deportista do Club Baloncesto Seis do Nadal - Coia, e poderán ser equipos masculinos, femininos ou mixtos. Se os integrantes dun equipo pertencen a diferentes categorías o equipo xogará na categoría do xogador/a de maior idade. Os equipos terán unha cuota de inscrición simbólica de 5 euros por equipo.
Proximamente se publicará nesta páxina web o regulamento e as regras de xogo do torneo, así como as follas de inscrición no mesmo.
